SEPUR KLUTHUK #2 (Genk Kobra 2011)

Pring Reketeg... Gunung Gamping... Gempal
Wong Sing ora Teteg... mesthi wae... Mental

Pring tumpuk-tumpuk.. Bumbung adah legen
simbah manthuk-manthuk putune wis podho balen
Pring Tumpuk-tumpuk.. Bumbung adah gulo
Simbah manthuk-manthuk putune melu Genk Kobra

Sepur Kluthuk mlaku jejeg ngetan ngulon
Melu entuk munggah midhun monggo mawon
Sepurane yen rasane kurang penak
Sepur lawas thimik thimik lunjak lunjak

Sepur Kluthuk sepur kuno sangu Banyu
Peluk akeh soko pipo dienggo mlaku
Sepure wong sing tenanan nguri uri
Sepur uap bahan bakar kayu jati

Iki Sepur ning ndonya mung kari siji
Pilihane Melu numpak noto ati
Timbang gelo mendhing dho dipikir dhisik
Ojo numpak trus neng dhuwur klisak klisik

Pring tumpuk-tumpuk.. Bumbung adah legen
simbah manthuk-manthuk putune wis podho balen
Pring Tumpuk-tumpuk.. Bumbung adah gulo
Simbah manthuk-manthuk putune melu Genk Kobra

Sepur Kluthuk sepur antik Jolodoro
Mlaku gagah lewat tengah kutho solo
Sepure ireng thuntheng jan merbawani
Sepur tenan prabu Kresno Dwarawati

Sepur kluthuk sepur dhek jaman semono
Metu maneh akeh sing ra podho nyongko
Sepure aneh kanggo wong wong saiki
sepur tuwo klangenan nyenengke ati

Iki Sepur ning ndonya mung kari siji
Pilihane Melu numpak noto ati
Timbang gelo mendhing dho dipikir dhisik
Ojo numpak trus neng dhuwur klisak klisik

Pring tumpuk-tumpuk.. Bumbung adah legen
simbah manthuk-manthuk putune wis podho balen
Pring Tumpuk-tumpuk.. Bumbung adah gulo
Simbah manthuk-manthuk putune melu Genk Kobra

Sepur Kluthuk sepur genk kobra saiki
Gandheng Gathuk ditarik yo dinikmati
Suguhane reno reno kawruh jawi
Jawabane alon alon dicandhaki


Jogja, agustus 2010
Genk Kobra Album "Kartosuro" 2011

Adpt. Genk Kobra
Bunker Genk

Suryo Katon Ing Gapuro Projo

KARTOSURO (Album Genk Kobra 2011)

Sumilak Byak Langite Padhang
Cemlorot Garis lakune lintang
Alas Purwo... Alas Tuwo Jawa Timuran
Alas Anyar... Alas Gladhen Kandang Menjangan


Kartosuro akhire dibagi papat
Ojo gelo kebeh kuwi dadi kodrat
Kodrate Wong Jowo njogo paugeran
Rancangane omah joglo lan limasan

Kasunanan purane Mangkunegaran
Kasultanan purane Pakualaman
Mantrane wong agung ngadhepi walondo
Carane Pandhito nyimpen ngeksi gondo

Soko Papat Limane didelikakke
Poro papat mesti ketemu pancere
Noto Projo ngguya ngguyu ndelikake
Ketok Kalah Menang tanpo ngasorake

Mojopahit Demak dipajang neng ati
Jo di penging mundhak ora bali bali
Baline srengenge njedhul soko wetan
Tandane satrio cilik tur capingan

Sir Sir Pong Dele gosong... x2 ... Sir Sirane ndang diboyong
Sir Sir Pong Dele Gosong... x2 ... Soko Wetan Menyang Kulon

Nelik sandi indak indik kurang turu
Turunane dikandhani sok ra nggugu
Guyonane wong Jowo Ngemu sanepan
Pandan Wangi Dandang Gulo Beras Ketan

Sandine memang angel diterjemahke
Ketoke mung biasa kadang sepele
Lewat dalan cilik opo dalan gedhe
Dhekok sithik mergo ora digatekke

Sir Sir Pong Dele gosong... x2 ...Sir Sirane ndang diboyong
Sir Sir Pong Dele Gosong... x2 ...Soko Wetan Menyang Kulon

Boyolali wis wancine kudu bali
Gapurane Nuswantoro tanah Jawi
Sigar Jambe ditangkupke dadi siji
Medhar Arum gemah ripah loh jinawi

Lopis Jowo enak tenan segi telu
Lemah abang lemah putih banyubiru.
Soto Babat kartosuro ojo lali
Liwat Pengging nonton bebek adus kali

....
....

Terang teranglah Sinar di cakrawala
Terangi Bumiku alam semesta
Pancarkan Sinarmu hai Nusantara
jadilah Melati harumkan Dunia


17,agustus 2010
Adpt. Genk Kobra
di Bunker Genk