CUCUK

Mantene anyar tandhane Janur

kelire malih ning ora luntur

Cucuk.. lampahe wis mlaku

Besan manten manthuk manthuk mesem ngguyu

cucuk.. kabeh bubar temu

Ngidak endog mbalang suruh dadi mantu

Cucuk... sing muteri tamu

mlaku alon klecam klecem ra kesusu

cucuk... dandan koyo ratu

dipageri cah bagus lan gendhuk ayu

kembar mayang janure kuning

kudu dipajang kadhang disanding

Gedhang Nanas karo tebu

dienggo rebutan karo tamu tamu

Cucuk sinoman ladenne

ora sah nglirik malah dho di awe-awe

Cucuk... maneh shootingane

injan injen ora ono sing ngelekke

Cucuk... nekani jagongan

temu konco dulur sambi mangan mangan

Cucuk... sing duwe hajatan

rampung mantu nglaras ngetungi sumbangan

Cucuk... manuk nggolek pangan

pitik walik dadine tumbak cucukan

cucuk... opo dho nyucukke

iki asli opo nyat digawe gawe

Sorso 2012

JUBAH ABU-ABU

Jubah abu-abu, dikebutke ngawu awu

Abang mbranang geni, ati padhang iso ngerti.
Kuluke kencono, dadi suluke genk kobra.
Ikete dipasang, abang ireng gedandapan.

Watu watu krikil singkirno nggo dalan laku.

Kusir dho glenikan  jaran jaran mblandhang mlayu

Idu banyu geni  yen kewetu ngoyoworo

Pathi opo Gulo Semar mendem ngupokoro

Bleduk  plintheng semar, Gajah mungkur turut kali

Wonokerto joyo.  Angon boyo angon meri

Sidoluhur mukti, sidowayah sidodadi

Adem panas awak, masuk angin dikeroki

Lele kutuk nila, megap megap lali nglangi
Kintir banyu mili, nyingkir bebek adus kali

Guru sing sejati, nggowo conto ben dho ngerti

Piwulange babar, diwoco linggih sing rapi.

(nov 2010 4 genk kobra 2010)

Bebek Pelari angon Meri (anak Bebek)

foto dari http://id.wikipedia.org/wiki/Berkas:Laufentenkueken4.jpg